
jatimid.com – Selaen bisah arassa’aghin lebureh bheddih se pote sareng monyinah ombhe’ e pengghir sereng otabeh lebureh tase’ dhejeh e madhureh. Tempat kaintoh anyamah pantai lon malang se bedeh e kabupaten sampang, pantai lon malang ampon nyadiaghin paket akemah arghenah satos saghemi’ ebuh per oreng.
Argheh nikah ampon deddhih sittung paket ben sadejenah perlengkabhen akemah antarah epon kaintoh tenda akemah, kamar mandih, langgher mushalla, lampu panerangan , ngobbher kajuh , sarapan pagi sareng dhe’eren e bektoh malem.
Lebureh pole, dhe’eren malemmah nikah kalabhen nonoh jhuko’ hasellah oreng majeng se bedeh e dhisah bire tenga.
Tak cokop neng kaintoh , kaangghui malebur maperna cakancah pengunjung sabeghien pelakoh se bedeh neng pantai lon malang padeh ngireng ajegeh cakancah pengunjung se akemah ka’angghui keamanan sareng katantreman cakancah pengunjung.
Selaen hal kaintoh deddih ka’ontongan begi para cakancah pengunjung bisah ngoladdhin langsung ombhereh mataareh (bisa edebuaghin matah areh ombher ” SUNRISE) se bisah malebur tor matera’ tase’ dejeh pantai lon malang e bhektoh pajjher lagghuh.
“Biasanah manabi sobung ondhem bisa ngoladdhin langsung lebureh mataareh omber”, caepon pelakoh pantai lon malang se asmanah zen Selasa (07/09/2022).
Paket akemah kaintoh ka’angghui sabhegien oreng se kasokan nyareh tempat santai tor istirahat neng pantai lon malang.
Pantai kaintoh bedeh neng kampong tolengir temur dhisah bire tengah kacamatan sokobenah kabupaten sampang, arghenah akemah nikah benyak macemah bedeh derih argheh sabidhek lema’ ebuh sampe’ satos saghemi’ ebhuh, kasokannah pengunjung tentang argheh kaintoh pelean argheh seka’dimmah se deddih pelean se sae.
Ka’angghui se kasokan akema’ah e pantai lon malang manabi perlengkabhen kemah sareng dhe’eren abhektah dhibi’ arghenah kaintoh tello polo lema’ ebuh, caepon zen. Selasa (07/09/2022).
Selaen , paket nikah sala’ sittungah ka’angghui cakancah pengunjung se kasokan ngabadiaghin ombhereh mataareh e bektoh pajjer lagghuh, napah pole ka angghui pengunjung se jheu derih loar kottah, bektoh pajjer lagghuh kaintoh deddih panarek dhe’ cakancah pengunjung .
” Terlepas deri hal kaintoh hal pelayanan kadhih kaintoh ampon deddih hal se ampon e biasaaghin kauleh sareng sakanca’an enggi kaintoh ngotama’aghin pelayanan se sae ka angghui pengunjung se entar dhe’ ka’dintoh tempat, karnah pelayanan kaintoh termaso’ kawajibhen pengelola tempat wisata ” caepon zen, Selasa (07/09/2022).
Lebbi derih nikah , polanah tempat kaintoh maso’ dhisah wisata, dhisah bire tengah jughen bedeh tempat pa istarahaddhen se e sebut rumah singgah otabeh home stay ka’angghui pengunjung se jheu derih loar kottah asareng keluarga manabi butoh tempat istirahat kasokanah bisa istirahat dhe’ home stay .
Pelean laen selaennah akemah , neng kaintoh jughen bedeh tempat kaagghui istarahat ( rumah singgah atau Homestay ) , se tempaddeh nikah neng sakitar kampong neng dhisah bire tengah jughen. “caepon zen.
(penerjemah : zen)